københavn
Folketingimut ilaasortat anguniakkatik takorluukkatillu saqqummiutissavaat
Aleqa Hammond (S) Aaja Chemnitz Larsenilu (IA) Københavnimi Kalaallit Illuutaanni tamatut ammasumik ataatsimiititsissapput
Folketingimut ilaasortat siunissamut suut takorluugaraat anguniagaralugillu?
Tamanna annertunerujussuarmik tusarfigisinnaavaat folketingimut ilaasortat marluk Kalaallit Nunaanneersut, Inuit Ataqatigiinnit Aaja Chemnitz Larsen Siumumillu Aleqa Hammond, tamanut ammasumik ataatsimiititsineranni.
Tamanna pissaaq ataasinngorpat Københavnimi Kalaallit Illuutaanni, taamatut illu tusagassiorfinnut nalunaarutikkut paasissutissiivoq.
Politikerit aamma ukiuni tulliuttuni suliassatik saqqummiutissavaat, aammalu apeqquteqartoqarsinnaallunilu oqallittoqassaaq.