Folketingimut qinersineq

Folketingimi sulineq suli pingaaruteqarpoq

Inatsisit arlallit, Kalaallit Nunaannut aammalu Kalaallit Nunaanni ilaqutariinnut pingaarutillit, suli Folketingimi akuersissutigineqartarput

Folketinget
Inatsiserpassuaqarpoq Kalaallit Nunaannut tunngasunik suli Folketingimi suliarineqartartunik.

Soqutaannginnilaq kina Folketingimut ilaasortaanersoq, tassani Kalaallit Nunaannut inatsiserpassuit suli suliarineqartarmata, aammalu sorpassuit EU-mi akuersissutigineqartut aamma Kalaallit Nunaannut atuuttarmata.

Namminersornermut inatsimmi akisussaaffiit 30-t sinnillit taakkartorneqarsimapput, Kalaallit Nunaannit tiguneqarsinnaasut.

Ilaatigut ilaqutareeqarnermut oqartussaaffik, Kalaallit Nunaanni ilaqutariinnut tamanut attuumassutilik. Assersuutigalugu qitornavissiartaarnermut inatsit, pissutsinut Kalaallit Nunaanni allaanerulluinnartunut, sananeqarsimasoq.

Inatsisartut ataatsimiinneranni naammasseqqammersumi qallunaat inatsisaat arfineq-pingasut, Kalaallit Nunaannut atuuttussat, Inatsisartut akuersissutigaat. Ilami oqallinnertaqanngitsumilluunniit.

Tamakkua tassaapput aqqartartutut sulineq, imaani isumannaatsuuneq ilisimasortaqarnermullu inatsit, kiisalu ilaqutareeqarnermut inatsiseqatigiissuit pingasut.

Aviisi Sermitsiaq sapaatip akunnerani uani arlalinnik allaaserisaqarpoq sooq folketingimi sulineq pingaaruteqartuusoq.

Aviisip kalaallit 1953-imiilli folketingimut ilaasortaasarsimasut oqaluttuarai, oqaluttuaralugulu 1960-imi 1972-imilu folketingimut qinersinerni kalaallit folketingimut ilaasortat aalajangiisooqataasimasut.

Tamatuma saniatigut aviisimi apersorneqarput folketingimut qinigassanngorterlaaq Erik Jensen Siumumeersoq, Jens-Erik Kirkegaard, folketingimi sulinermi atorfinnik aningaasaqarnermillu samminninniartoq, Aleqa Hammond, sooq Siumup qinigassanngortissimaneraanik tusagassiorfiit samminninnerannik qatsussisoq, aperisarnanilu suut qineqqusaarutiginerai.

Aviisi pisiarisinnaavata uani, folketingimullu qinersineq folketingimilu sulineq annertunerujussuarmik paasisaqarfigalugit.

Powered by Labrador CMS