Folketingimi siulittaasup Aleqa isornartorsiorpaa

Folketingimut ilaasortaq, Aleqa Hammond, maanna attaviitsuusoq, Folketingimi aningaasaqarnermut immikkoortortaqarfianit paasineqannginnermini, folketingimit kreditkortini 12.980 koruunit nalinginut atornerluppaa.

Akuersaarneqarsinnaanngitsoq
Folketingimut ilaasortaq taamatut Folketingimut atortoq akuersaarneqarsinnaanngilluinnarpoq, Folketingimi siulittaasoq, Pia Kjærsgaard (DF) oqarpoq.

- Soorunami tamanna pisoq akuersaarneqarsinnaanngilaq. Suliaq ajuusaarnartupilussuuvoq, tassami Folketingimut akiitsortoqarsinnaanngilaq, Folketingip siulittaasua Ekstra Blademut oqarpoq.

Sanaartornermut atortut aamma eqqumiitsuliat
Aviisi naapertorlugu, politikeri nerisassanik, eqqumiitsulianik aamma sanaartornermut atortunik kreditkortimit aningaasanik atorluni pisiniarsimavoq, taanna timmisartunut bilitsinut taxanullu ataatsimiinnermut atatillugu taamaallaat atorneqarsinnaavoq.

- Aatsaat siullermeerluni taamaaliunngilaq, tamannalu uggoralugulu ajuusaarnarteqaara. Assigiinngitsorpassuarnik iliuuseqarsimasoq oqaatigineqarsinnaavoq, Pia Kjærsgaard ilanngullugu oqarpoq.

Maanna naammassisoq
Folketingip siulittaasuata saniatigut oqaatigaa, suliaq naammassisutut nalilerlugu, taarsigassarineqartoq septembarimi akissarsinermut atatillugu utertinneqarnera pissutigalugu.

Aleqa Hammond kreditkortimik atuinera pillugu allaaserisat kingulliit atuakkit:

• Aleqap missingersuutit affai sinnerlugit annaavai

• Socialdemokraatit aamma Aleqa Hammond suleqatigiunnaarpaat

• Aleqa Hammond Siumumit peersitaavoq

• Aleqa Hammond: Peqquserlunniarsarinngilanga