FN-mut naammagittaalliuut Danskit aviisiat FN-mut naammagittaalliuut pillugu: Ingerlarnga quianaannarpoq

Ullormut saqqummertartoq Information saqqummiusami pingaarnermi ullumikkut sammivaat naammagittaalliuut Nunatta FN-mut nassiussaa kingornalu utertitaat.

Saqqummiussami pingaarnermi allaaserinnittoq Emil Rottbøll suliap ingerlarnga pillugu oqarpoq quianaannartuusoq, isumaqarporlu naalakkersuinerup aqqani torinngilluinnartumik ingerlatitsisoqartoq, siornatigut Nunanut Allanut Naalakkersuisuusoq Vittus Qujaukitsoq kiserrammi ingerlatsisimanera pillugu.

Avataanit isiginnittutut misiginarpoq soorlu angut pikkorluttoq nammineq pisuulluni cikkilinit uppittoq takunnittuuffigisimallugu, illuatungeriit marluullutik pisumut isiginnaartoqarnissartik pisariaqartinnngikkaluagaannit, allaaserisami pingaarnemi taama allaqqavoq.

Ajornartorsiutit pingaarutillit

Kiisalu allaaserinnittup taakkartorpaa ajornartorsiuterpassuit Naalakkersuisut Inatsisartullu naammagittaalliutigilluinnartagaannit kinguneqartut, Nunatta nunanut allanut soqutigisaat pillugit Damarkip akisussaasuuneranut tunngatillugu.

US-Basit piunikut iluarsaanneqarsimannginneranut tunngatillugu kiisalu PItuffimmut kiffartuussinermut isumaqatigiissutip apeqqutaanera assersuutigineqarsinnaapput, allaaserisami pingaarnermi taama allaqqavoq.

- Oqaluttuarineqarneranut ilinniutaatillugu Nunatta tatiginngilaa, Danmarki USA-mut attaveqarnerup pitsanngorsarnissaa soqutiginnginnerugaa Kalaallit soqutigisaqarfiinit akisussaanermut naleqqiullugu, pingaarnertut allaaserisaq taama allappoq.

Sianiilliorneq peqqarniitsorlu

Tamanna tunaartaralugu kaammattuineq imaappoq, maanna pisut iluarsineqarnissaat pillugit Danmark Nunarpullu akunnerminni tatigeqatigiinnerusumik suleqatigiinnissaat.

- Maanna pisoq sianiilliornerullunilu peqqarniitsuuvoq, inerniliineq taama nalilerneqarpoq.