Meeqqat

FN isornartorsioreersorlu: - Innersuussutit pimooruppagut

Meeqqat pisinnaatitaaffii pillugit Naalagaaffiit Peqatigiit ataatsimiitsitaliaa meeqqanut innarliisarnermut iliuuseqarneq sakkortuumik isornartorsiorpaa. Sara Olsvigip isornartorsiut pimoorunniarlugu neriorsuivoq.

Namminersorlutik Oqartussat annertuumik meeqqanut kinguaassiutitigut atornerluisarnerit iliuuseqarnertik nukittorsartariaqarpaat. Meeqqat pisinnaatitaaffii pillugit Naalagaaffiit Peqatigiit ataatsimiitsitaliaanit tamanna erseqqissumik innersuussutigineqarpoq.

Naalagaaffeqatigiit Nunarput ilanngullugu ataatsimiititaliami misilitsipput. Meeqqanullu pinngitsaaliisarnermut tunngatillugu iliuuseqarnerneq naammanngilluinnarpoq, ataatsimiititaliaq inerniliivoq.

Aamma atuaruk: FN-ip piumasaa: Meeqqat iliuuseqarfigineqarnerat nukittorsarneqassaaq

Tamatumunnga akisussaasuulluni naalakkersuisoq, Sara Olsvig (IA), innersuussutinut tusarnaarniarluni neriorsuivoq.

- Naalagaaffiit Peqatigiit innersuussutaat pingaarteqaakka, qulakkeerinneqataappummi meeqqat pisinnaatitaaffiisa pitsanngorsaavigineqartuarnissaannut, taanna tusagassiuutinut nalunaarummi allappoq.

Aamma atuaruk: Nunarput meeqqat pisinnaatitaaffii pillugit misilitsippoq

Sara Olsvigilli oqaaseqarnermini siuariartoqarsimanera pingaartinnerarpaa.

- Meeqqat pillugit Kalaallit Nunaata suliniuteqarnermini siuariarsimanera ataatsimiitsitaliap maluginiarlugulu nuannaarutigaa. Tassani ilaatigut pineqarput Persuttaasarneq akiorniarlugu 2014-imiit 2017-imut Naalakkersuisut Periusissiaat Iliuusissatullu Pilersaarutaat aammalu meeqqanik tuniniaasarneq, akissarsiutigalugit meeqqat atortittartuutinneqartarnerat aamma meeqqat ilaatillugit pornoliat akiornissaat pillugu Kalaallit Nunaata Naalagaaffiit Peqatigiit protokoliannut ilangunnera, tusagassiuutinut nalunaarummi allaqqavoq.

Kommunini suliaqartut kinguaassiutitigut atornerluinermut takussitissanik takunnillaqqinnerulersinneqartariaqartut, ataatsimiititaliap innersuussutigaa.

Aamma atuaruk: MIO Naalagaaffiit Peqatigiinnut: Meeqqat imminiiginnarneqarput

Også når det gælder omsorgssvigt bør kommunernes og Selvstyrets indsats styrkes markant.

Sumiginnaanermullu tunngatillugu kommunit aamma Namminersorlutik Oqartussat iliuuseqarnerat annertusarneqartariaqarpoq.

- Innersuussutit assorsuaq pimooruppavut maluginiarparpullu Ataatsimiitsitaliamit erseqqissaavigineqartut ilarpassuinut annertunerusumik suliaqalereersugut. Tassani ilaatigut pineqarput meeqqat tapersersorneqarnissaannut inatsit nutaaq 2017-imi juulip aallaqqaataani atuutilersoq aammalu kinguaassiuutitigut kannguttaatsuliorfigineqartarneq akiorniarlugu suliuniutinik ataatsimoortunik tamanut isiginnittunik suliaqarnerneq saqqummertussaq, isumaginninnermut ilaqutariinnut naalakkersuisoq, Sara Olsvig (IA) oqarpoq.

Powered by Labrador CMS