Ilisinissaq
Finn Lynge Qassiarsummi ilisaassaaq
Finn Lynge Qassiarsuup iliveqarfiani tallimanngorpat ilisaassaaq
Politikkeri, atuakkiortoq inuiaqatigiinnillu oqallissaarisartoq Finn Lynge pinngortitami kusanartumi oqaluttuarisaanermilu pingaaruteqartumi Qassiarsummi tallimanngorpat ilisaassaaq.
Nalunaaqutaq 8.00 illerfia Qaqortumit politiit angallataannik Sisammik aallassaaq. Nalunaaqutaq 10.00 angallat Narsamut tikissaaq nalunaaqutaq 10.15 Qassiarsummut aallaqqissalluni. Qassiarsummut angallatip nalunaaqutaq 11.00 tikinnissaa naatsorsuutigineqarpoq.
Thorhildep Oqaluffiani nalunaaqutaq 13.45 naalagiarneq aallartissaaq.
Finn Lynge nalunaaqutaq 14.45 Qassiarsuup iliveqarfiani ilisaassaaq.
Kalaallit Nunaanni oqaluffiit siullersaata inissisimaffiani eqqaassutissamik orninneqartartussamik pilersitsisoqarnissaanik Finn Lynge isumassarsisuuvoq Naalakkersuisullu siulittaasorisimasaat Jonathan Motzfeldt peqatigalugu qasusuillutik tamanna sulissutigisimavaat.
Ullumikkut maani najugaqartut takornariallu illuutit taakku kusanaqisut takusarsinnaavaat – oqaluffiup siulliup assinga Thjodhildep Oqaluffia aammalu Erik Aappalaartup illuata assinga.
Naalakkersuisut siulittaasuat Aleqa Hammond ilisinermut peqataassaaq.
Finn Lynge 80-nik ukioqarluni tallimanngormat angerlarsimaffimmini sivisuumik napparsimareerluni toquvoq.