Qassiarsuk
Finn Lynge oqaluffimmik eqqaassutissamik pilersitseqataasimanera pillugu qujassuteqarfigineqartoq
Finn Lynge Tjodhildep oqaluffianut Qassiarsummiittumut sulissuteqarsimanera pillugu qujassutigineqarpoq
Politikkeri, atuakkiortoq, inuiaqatigiinni oqallissaarisartoq allarpassuarnillu suliaqarsimasoq Finn Lynge Qaqortumi tallimanngormat angerlarsimaffimmini 80-nik ukioqarluni toquvoq. Kalaallit Nunaanni oqaluffiit siullersaata inissisimaffiani eqqaassutissamik orninneqartartussamik pilersitsisoqarnissaanik sulissuteqarsimanera pillugu qujaniarfigineqarpoq.
Finn Lynge Naalakkersuisullu siulittaasorisimasaat Jonathan Motzfeldt peqatigalugu tamanna sulissutigisimavaat.
- Jonathan Motzfeldt peqatigalugu qasusuillutik tamanna sulissutigisimavaat, tassalu nunarsuarmi amerikap avannarliup inissisimaffiani kristumiussutsip aallartiffia Qassiarsummi tunngavilerneqarpoq, Gardar Foundation sinnerlugu Biskop Sofie Petersen allappoq.
Ullumikkut maani najugaqartut takornariallu illuutit taakku kusanaqisut takusarsinnaavaat, oqaluffiup siulliup assinga Tjodhilde-p oqaluffia aammalu Erik Aappalaartup illuata assinga.
Iperarsinnaasimanngilaa
Gardar Foundation-ip Kommune Kujalleq peqatigalugu illuutik taakkua akisussaaffigaat. Gardar Founda-tion annermik Finn Lynge-p isumassarsiaraa.
- Nammineq ukiuni 2003-mit 2006-mut tassani allattaavoq, uummateqarfigigamiulli iperanngisaannarpaa, Garda Foundation sinnerlugu Sofie Petersen Finn Lyngemut qujassuteqarpoq.
Finn Lynge Qassiarsummi tallimanngorpat ilisaassaaq.