Finn Lynge Danmarkimi eqqaaniarneqassaaq

Kalaallit Nunaata Sinniisoqarfia Københavnimiittumi tallimanngorpat Finn Lynge eqqaaniarneqassaaq danskit nalunaaqutaat malillugu nalunaaqutaq 15.00. Finn Lyngep ilaqutai, ikinngutai suleqatiginikuusaalu Sinniisoqarfiup ataatsimoortissavai.

- Finn Lyngep Tunulliarfikkut naggammik angalanera, Qassiarsummilu ilisaanissaa atatillugu eqqaaniassavarput, Kalaallit Nunaata Sinniisoqarfianit Tove Søvndahl Gant nalunaarpoq.

Thorhildep Oqaluffiani Kalaallit Nunaata nalunaaqutaa malillugu nalunaaqutaq 13.45 naalagiarneq aallartissaaq. Finn Lynge Qassiarsuup iliveqarfiani ilisaassaaq.

Kalaallit Nunaata Sinniisoqarfiani Københavnimiittumi Strandgade 91, 3. loft Københavnimi eqqaaniaasoqassaaq.

Peqataarusuttut tamarmik tikilluaqqusaapput. Peqataaniartut qinnuigineqarput oqarasuaammut 32 83 38 00 -imut nalunaaqqullugit.

Finn Lynge Kalaallit Nunaata Sinniisoqarfiani seniorkonsulentitut 1998-imit 2003-mut atorfeqarpoq.

Finn Lynge Qaqortumi angerlarsimaffimmini tallimanngormat ullaakkut toquvoq. Sivisuumik napparsimareerluni 80-inik ukioqarluni toquvoq.

Allaaserisat Finn Lyngemut tunngasut atuakkit