fiskeri
Finn Karlsen qanimut
Aalisarnermut, piniarnermut nunalerinermullu Naalakkersuisunngortussap meeraalluni savaatilinngornissani sinnattorisimavaa. Timersortartoq politikerilu nuimasooq AG-p ilisaritippaa
Finn Karlsen aalisarnermut, piniarnermut nunalerinermullu Naalakkersuisunngornissaminik aperineqarami nangaanngivilluni akuersivoq. Suli atorfimmut ivertinneqanngikkaluarluni iliuutsimi siulliit ilaattut aalisarnermut inatsit assortuussutaasoq ukiakkut ataatsimiinnissamut kinguartippaa.
Finn Karlsen, siusinnerusukkut Atassutip siulittaasorisimasaa, tusaamasamit Agnethe Nielsenimit, inuttut malunnaateqarluartutut Narsamilu borgmesteritut pikkorilluinnartutut ilisimaneqartumit, politikerinngornissaanik kajumissaarneqarsimavoq.
Finn Karlsenimulli inuuneq politikkersornerinnaanngilaq. Timersorneq alanngisaannassavara, politikeri 61-inik ukiulik oqarpoq. Aamma atuaruk sooq imaani uuliamik qillerineq akerlerineraa, kalaallit qallunaanit arsaatillaqqinnerulersinnaanerat allarpassuillu.
AG-p sapaatip akunnerani saqqummersumi Finn Karlsen ilisaritippaa.