naalakkersuisunngortitsineq
Finn Karlsen naalakkersuisunngussaaq
Siumumit Finn Karlsen aalisarnermut piniarnermut nunalerinermullu naalakkersuisutut ullumi ivertinneqassaaq
Inatsisartut immikkut ittumik ataatsimiinnissaat nalunaaqutaq 13.00 aallartittumi, Finn Karlsen Siumut aalisarnermut piniarnermut nunalerinermullu naalakkersuisunngortinneqassaaq.
Hans Enoksenip naalakkersuisuuffiata aappaani Finn Karlsenip naalakkersuisunngorfissani misilittagaqarfigereerpaa.
Finn Karlsen aggustip 23-anni 2010-mi Atassummit Siumumut nuuppoq. Inatsisartunut qinersinermi ukioq kingulleq martsip aqqaneq-aappaanni Inatsisartunut qinigaavoq.
Karl Lyberth Siumut aalisarnermut piniarnermut nunalerinermullu naalakkersuisutut januarip arfernganni tunuarmat Naalakkersuisut Siulittaasuat Aleqa Hammond naalakkersuisuugaluarpoq.
Naalakkersuisumik kingullermik taarsiisoqarpoq ukioq kingulleq oktoberip 24-anni uran pillugu oqallittoqarnerani, tassani Partii Inuit naalakkersuisunit peqataasinneqarunnaarmata.