filmi
Filmiliornermi ilitsersuisoq tusaamasaq Nunatsinnut tikeraartoq
Filmiliornermi ilitsersuisoq ilisimaneqarluartoq Victor Kossakovsky Nunatsinni filmiliornermik soqutigisalinnut pikkorissartitsissaaq
Filmiliornermut ilitsersuisuisoq russeq Vickor Kossakovsky 100-nit ikinnerunngitsunit nersornaatisisarsimasoq Nuummukarpoq.
Film.gl suleqatigalugu Nunatsinni aalasuliornermik soqutigisalinnut pikkorissartitsissaaq. Tamannali pitinnagu peqatigiiffiup Katuami Kossakovskyp isiginnaagassiaa 'Vivan las Antipodas' akeqanngitsumik takutissavaa.
Ullunilu makkunani filmiliortartoq tingerlaammik Nuummut ingerlaartilluni immiussivoq.
Immiussiiffiit
Filmimi 'Aquarela'-mi immap nunami inuunermut isumaa oqaluttuarineqarpoq - immiussinerillu Bajkalsøen Sibiriemi, Angel Fallsimi Venezuelamiiitumi, Lake Oroville California, Nazaré Portugalimi Nunattalu Diskobugtiani ingerlanneqarput. Filmi Ánorâk Film suleqatigalugu suliarineqartoq Film.gl paasissutissiivoq.
- Filmi Katuami takutinneqartussaq Kossakovskyp suliaasa annertunerpaat ilagaat. Venedigimi filmfestivalertoqarnerani filmini pingaarneqarpaatut takutinneqarpoq European Film Awardimullu (Europami Oscari) innersuunneqarluni. Kusanartumik taalliatullu suliaavoq nunarsuarmilu assigiinngissutsinik ersersitsilluni. Soorlu Nunarsuup illuatungeriqqissaani sumiiffiit assigiinngisutaat takuneqarsinnaallutik. Film.gl allappoq.
Filmi minutsinik 98-nik sivisussuseqartoq kikkunnit tamanik isiginnaarneqarsinnaasoq tusagassiuutinut nalunaarummi allassimavoq.