Greenland Eyes Film Festival
Filmilioriaatsit assigiinngitsut Filmfestivalimi takutinneqarput
Nuummi Greenland Eyes Film Festival 2014-neqarnera naammassingajalerpoq. Festivali septambarip pingajuani naammassissaaq
Greenland Eyes Film Festivalip ulluisa tallimaat ataasinngornermi ingerlanneqarpoq, tassanilu filmilioriaatsit assigiinngitsut takutinneqarput. Ilaatigut Blok P, quiasaarinerit, animationinik filminik takutitsinerit kiisalu qallunaat kalaallit pillugit isuma piligiussaat pillugit ilaatigut takutinneqarlutik.
Blok P misigisaqarfigalugu
Blok P pillugu piviusulersaarusiaq takutinneqarpoq, tassani inuit 1966-mi inissaminnut takutinneqarput kiisalu aamma inissiap isaterneqarnera takutinneqarluni.
Tassani Blok P-imut ataqqinninneq takutinneqarpoq, takutinneqarmallu inuppassuit isiginnaarput.
Aamma quiasaarut takutinneqarpoq, tassani Nuka Bisgaardip Pipaluk K. Jørgensenillu minutsini arfineq pingasuni sivisutigisoq 'Tønnes kamp' takutinneqarluni. Takutinneqartoq nuannarineqarluarpoq.
Nutaaliorlutik eqqarsartunut filmiliortunut aningaasaliisoqartannginnera uggornarpoq, taamaasiornikkummi ineriartortoqarsinnaagaluarpoq.
Hivshup saammaasseqatigiinnissamik suliaa
'The Prize of the Pole' unnukkut takutinneqarpoq. Minik Robert Peary allallu tallimat peqatigalugit Qaanaamit New Yorkimit angalanerat ukiut 100-t qaangiupput. Ilitsersuisoq Staffan Julen Hivshu Robert Peary II-p peqatigalugu 2006-mi New Yorkimeeqatigaa, tassani Minik qanoq pisimanersoq paasiniarneqarpoq.
Takutinneqartoq misigissutsikkut eqqortinnartuuvoq, takutinneqarlunilu ukiut amerlasuut anniaateqaraluarluni saammaasseqatigiittoqarsinnaasoq.
Greenland Eyes Film Festival Nuummi septembarip pingajuani naammassissaaq.
Klaus Georg Hansen Greenland Eyes Film Festivalimi malinnaavoq, taannalu suleqatigalugu Sermitsiaq.AG-mi allaaserisaa saqqummiunneqarluni