filmi
Filmi 'Inuk' Italiami takutinneqalertoq
Filmi nersualaarneqarsimasoq Italiamiut siullermeerlutik takusinnaalissavaat.
Danskit ambassadiata filmi 'Inuk' Rom-imi takutissavaat.
Tamanna ukiut tamaasa ingerlanneqartartumi nunat avannarliit filminik festivalertitsisoqarnerani pissaaq.
Filmi Italiami takutinneqarnikunngilaq.
- Italiap Kalaallit Nunaanut Issittumullu soqutigisaqarnera pissutigalugu filmi takutinneqarnissaa nuannaarutigaarput. Ingammik filmip oqaluttuassartaata suliarilluarneqarneralu pitsaasuummata takutinnissaa qilanaarutigaarput., ambassadøri Erik Vilstrup Lorenzen tusagassiuutinut nalunaaruteqarnermini allappoq.
Mike Magidsonip 2010-mi 'Inuk'-mi ilitsersuisuuvoq. Taassumalu saniatigut Jean-Michel Huctini Ole Jørgen Hammekenilu manuskriptissaanut suliarinneqataasimapput. Ole Jørgen Hammekeni pingaarnerit ilaattut inuttaaqataavoq filmimi piniartoq Ikuma inuttaaffigalugu. Gaba Petersenip filmip ateqaataa 'Inuk' inuttaaffigaa.