Arsaattarfik
Fifami assiliisartoq Nunatsinnut tikeraartoq
Qaqortumi ivigaasanik arsaattarfik ukiut tallimat qaangiupput ammarneqarmat. Taamaammat maannakkut pisoq filmiliarineqassaaq, filmiliortussamillu Fifa tikisitsivoq
Annonse
Qaqortumi ivigaasanik arsaattarfittaarpoq ukiut tallimat matuma siorna, Fifalu taanna pillugu filmiliortartumik tikisitsivoq. Arsaattarfik Tapisulimit Kommune Kujallermit, GBU-mit, DBU.mit aamma Fifa-mit aningaasanik taperneqarpoq.
Kalaallit Nunaanni arsaattartut Kattuffiannit John Thorsen oqarpoq Fifami filmiliortartumik tikittoqartoq, aggustimi tikissaaq Qaqortumi ivigaasanik arsaattarfik assiliartorlugu.
Arsaattartut Kattuffiata pikkorissartitsinerani filmiliortartoq Qaqortumiissaaq. Filmiliarineqartut Fifap ataatsimeersuarnerani 2015-mi pisussami takutinneqarnissaat naatsorsuutigineqarpoq.