binzerip soraarnera
Facebookimi gruppip Binzer uterteqquvaat
Michael Binzerup pisortatut tunuartariaqarsimaneranut Tele-Postimik atuisartut pikitsitsipput
Tele-Postimik atuisartut maanna Facebook atorlugu Michael Binzer Tele Greenlandip pisortaatut utertinniarsarilerpaat.
Facebookimi gruppi ateqarpoq "MIchael Binzer - Siulersuisut soraarsillik Binzerilu ikkuteqqillugu".
– Ateqarpunga Harry Enggaard, gruppimillu ´Michael Binzer - Siulersuisut soraarsillik Binzerilu ikkuteqqillugu" pilersitsisuullunga, gruppip quppernerani allassimavoq.
Aallarniisoq Harry Enggaard ilaatigut ima allappoq:
- Tele-Postip politikkikkut qangarpalaartumik sunniiniarpalaartumillu aqunneqarnera akerlerigukku 'Like'-ruk oqariartuutigineqartorlu siammarterlugu. Inuiaqatigiit ataatsimooqatigiinnerat ersersianniarlugu taamatut takutitsigit. Tele-Postip siulersuisui nutaanngussapput siulersuisunngortussallu politikkikkut attaviitsuussapput. Taama pisoqareerpat Michael Binzer periarfissinneqaqqittariaqarpoq suliaminik naammassinninnissaminik. Kalaallit Nunaanni kikkut oqartussaaqataanerannik innarliisoqarnera pillugu una 'like'-ruk siammarterlugulu.
Taamaasilluni Lars-Emil Johansenip siulersuisut soraarsinneqarnissaannik Michael Binzerillu ikkuteqqinneqarnissaanik siunnersuutaa gruppip taperserpaa.
– Akunnerit arfineq-marluk ingerlaneranni likes-it 328-it takutippaat ajortoqartoq. Tamatuma saniatigut allanik taamatut isumaqartoqarpoq, assigiinngitsunilli pissuteqarlutik like-rsinnaanatik nalunaarulluunniit isumaqatigisinnaanagu - tamakkulu ikinnerpaamik marloriaamik amerlassuseqarput, Harry Enggaard Facebookimi quppernermi "Michael Binzer - Siulersluisut soraarsillik Binzerilu ikkuteqqillugu" allappoq.
Demokraatit Inuusuttaat tallimanngormat nalunaarput Michael Binzer tapersersorlugu.
Assip ataani Facebookimi gruppip ilisarnaataa takuuk