Upernavik Seafood
Fabrikkinik matusigallartariaqarneq
Nuussuarmi Upernavik Kujallermilu fabrikkit matugallartariaqartut Upernavik Seafoodimit nalunaarutigineqarpoq
- Nuussuup Upernavik Kujalliullu Upernavik Seafoodimi fabrikkiisa qerititsivii mikivallaarneri pissutigalugit qaammatini marlunni matugallartariaqarput ukiaanerani qaleralittaarisimasat tamarmik inissaqartinneqannginneri pissutaalluni.
Upernavik Seafood A/S-imi pisortaq Flemming Andersen nalunaaruteqarpoq.
Ukiuni siuliini fabrikkit taakku ukiumit nutaamiit qaammatini marlunni ammatinneqartaraluarput, apriilimiit umiarsuaqalernissaata tungaanut matoqqatinneqartaraluarlutik. Qerititsiviit ulikkaaqqanerisa pissutaanik fabrikkit matoqqatinneqartarlutik.
- Allaanerusumik ukioq manna iliuuseqarpugut siornatigut iliuuserisarsimasat akilersinnaaneq ajormata. Matsip aallaqqaataaniit ukiup sinneranut tunitsiviup ammanissaa pilersaarutigaarput, Flemming Andersen oqarpoq.
- Qaasuitsup Kommunia oqaloqatigaarput siunissamut qaninnerusumut ungasinnerusumullu qanoq pitsaanerusumik suleqatigiissinnaanerluta, Upernavik Seafoodip pisortaa oqarpoq.