inuussutissarsiorneq
Exelis: Sulisartut tamarmik Pituffimmiiginnarsinnaapput
Amerikamiut pappiaraannakkut suliffeqarfiata Exelisip Pituffimi sakkutooqarfimmitikinnissani piareersaleruttorpaa. Atortut assartorneqassapput sulisussallu atorfinitsiortorneqarlutik. Kalaallit asanissarput ilikkassaqqaarpaat, sunniiniartartoq oqarpoq
Amerikamiut suliffeqarfissuata Vectrusip pappiaraannakkut suliffeqarfiutaa Exelis, Pituffimmi sullissinissamik isumaqatigiissummut ajugaasoq, piffissami matumani ulapileruttorpoq.
Taakku ataasiarlutik avannaarsuanut appakaanniareersimapput, amerikamiullu suliariumannittussarsiuussinermik eqqartuussiviup isumaqatigiissut milliartilikkaanik nalilik, suliffeqarfiup pappiaraannakkut qallunaat nunaanni piunera pissutigalugu atorunnaarsimmagu tunuarterput.
Maannali eqqartuussivik ingerlatsitseqqiisarfik allatut aalajangerpoq - suliariumannittussarsiuussineq pissusissamisoorpoq, atortussianuku suliariumannittusarsiuussinermi toqqammavigineqartut suliarinerlutaasut.
Atuaruk: Pituffik pillugu isumasioqatigiinnissamut oqaaseqartartut ministeri qaaqqugaat
Eqqartuussinermi ajugaanissaq naatsorsuutigigaluaraat
Taamaammallu Exelis maanna iserteqqinnissamut piareersaleruttorpoq, naak Greenland Contractorsip qaqugu sullissiunnaarnissaa suli erseqqinngikkaluartoq.
- Naak ajugaanissarput naatsorsuutigigaluarlutigu, tamanna aamma uatsinnut nutaajuvoq. Maannalu suliassat aallartippavut. Qaqugu qanorlu tigussanerlutigu, ilaalu ilanngullugit. Tamanna US Air Forcemik oqaloqatiginnissutigaarput. Taavalu paasiniagassat arlallit misissoqqaassavavut. Qaqugukkulluunnimmi atortussat Pituffiliaanneqarsinnaaneq ajorput - piffissap ilaannaanni umiarsuit anngussinnaasarput, Kim Ruberg oqarpoq.
Atuaruk: Eqqartuussinerup kingorna: Vectrus Thulemi aallartinnissamimut qilanaarpoq
- Greenland Contractorsimi sulisut tamaasa atorfimminni suliinnarsinnaanerannik, atorfinitsinneqarnerminilu atugassarititanik taamaattunik neqeroorfigaavut. Sulisartut kattuffii akuliunneqarput, taakkulu iluarisimaarinnipput.
- Inuillu ataasiakkaat ilinniakkatut piumasarineqartunik piginninngitsut kisimik ilaatinneqanngillaat, taakkulu ilinnialersinnaanerannut tunngasunik isumaqatigiinninniarnerit ingerlapput. Tamakku timmisartunut isumannaallisaanermut assigisaannullu tunngassuteqarput, Kim Ruberg oqarpoq.
Allaaserisap sinnera AG-mi saqqummertumi kingullermi atuaruk