Pituffik

Exelis Services A/S Pituffimi aserfallatsaaliisuussaaq

Exelis Services A/S Københavnimiittoq U.S. Air Forcemut 411 million dollarinik nalilimmik Pituffimmi sakkutooqarfimmik aserfallatsaaliuilluni kiffartuussinissamut isumaqatigiissuteqarpoq

Isumaqatigiissut imaqarpoq sakkutuut timmisartoqarfianik ullormiit-ullormut ingerlatsinernik aamma aserfallatsaaliuinernik aammalu naatsorsuutigineqarluni septembari 2022 tikillugu ingerlassasoq. 21st Contracting Squadron, Air Force Space Commandimeersoq tunisisuuvoq. Exelis Services A/S Qallunaat Nunaanni suliffeqarfiuvoq, nalunaarsorneqarsimasoq Qallunaat Nunaata Kunngeqarfiani.

- Qiimmatsaqaagut qinerneqaratta ikiorsiisussatut tassunga pingaarutilimmut U.S. Air Forcep suliaanut aamma qilanaarpugut siunissamut qaamasumut Pituffimmi sullitarpullu Air Force, Matt Klein, Exelis Services A/S-imi siulersuisut siulittaasuat oqarpoq.

Taannalu ima nangippoq:

- Exelis Services A/S-ip paasilluarpaa Pituffiup pingaassusaa aamma suliassagut Kalaallit Nunaannut aamma qeqertap taassuma alutornartup innuttaanut. Nalunngilarput suliassat Pituffimmi ingerlatassagut pingaaruteqartut Kalaallit ilinniartuinik ilinniartitsinermi aamma neqeroorutiginiarparput pitsaasumik unammillersinnaasumillu tamaani innuttaasunut suliffissat. Pilersaarutigaarput uagutsinnut isumalluutigineqartut eqqortinnissaat. Qilanaaraarput Qallunaat aamma Kalaallit sulisartuinik suleqateqarnissaq una anguniagaq iluatsilluarniarlugu aamma neqeroorfigaagut pitsaasunik suliffinnik periarfissanik.

Atuaruk: Greenland Contractorsip Thulemi kiffartuussinermik isumaqatigiissuteqarnera sivitsorneqassanngilaq

Atuaruk: Thulemi sakkutooqarfiup ingerlannera Vectrus-ip tiguvaa

Isumaqatigiissummi atorfininnerup Qallunaat aamma Kalaallit sulisunut inatsisaat aamma ataatsimoorussamik isumaqatigiissutit tamarmik malinneqassapput. Exelis Services A/S-ip annerusumik atorfinitsinniarpai Pituffimmi sulisooreersut. Suliffeqarfik ilisimatsinneqarsimavoq aamma ataqqinnippoq pisussaaffimminik sulisooreersut maanna isumaqatigiissuutit atuuttut tunngavigalugit tigusinissaminik Kalaallit Nunaanni suliffeqarfinnik nuussinermut malittarisassaq malillugu. Suliffeqarfik sulisussarsiorniarpoq aamma tigumminniinnarniarpoq pikkorissunik, piukkunnaateqartunik sulisunik tamanit aamma suliffissanik nittarsaassinernik aamma toqqarlugu oqaloqatigiinnernik ingerlatsiniarput nuussinermut piffissaq aallartippat februarimi 2015-imi.

Suliffeqarfiup paasivai aamma sianigai Kalaallit Nunaata Namminersorlutik Naalakkersuisuinit piumasarineqartut sulisunik kalaallinik atuinissamut kajumissaarineri, aamma siunertaraa Kalaallit Ilinniartut Pilersaarutaanni peqataanissani sapinngisamik annertunerpaamik Pituffimmi sulisorisinnaasat angullugit.

Exelis Services inuiaqatigiinni kalaallini ilaavinniarpoq aamma Kalaallit Nunaanni, Nuummi allaffimmik ammaaniarpoq, kiisalu Pituffimmi. Suliffeqarfik suli angusaqarluarusuppoq Nunani Avannarlerni aamma Københavnimi aallavimminit ilungersorluni Nunat Avannarliit tamakkerlugit isumaqatigissuutinik pissarsiniarsariniarpoq aamma Europap Avannaani ingerlatsinini alliniarpaa.

Atuaruk: Pituffimmik sullissinermik isumaqatigiissutip sivitsorneqannginnera IA-p ernumanartoqartippaa

Atuaruk: Doris Pituffik pillugu: Tamanna akisussaqaaq

Atuaruk: Pituffimmi sulisartut suliffitik ernumagivaat

Powered by Labrador CMS