pineqaatissiineq
Europap kangiamiut arlallit hashi pillugu pineqaatissinneqareerlutik anisitaassapput
Rumaniami innuttaassusillit tallimat tuniniaanissaq siunertaralugu Nunatsinnut eqqussisimasut pisuusut, Kalaallit Nunaanni Eqqartuussiviup sisamanngornermi aalajangerpaa
Tuniniaanermi tunuliaqquttamut, kiisalu nassiussuisunut pingasunut hashi pillugu suliaq annertuup aalajangiiffigineqarnerata kingorna, ukioq ataaseq affaanilu pineqaatissiineq.
Kalaallit Nunaata Eqqartuussiviani ippassaq sisamanngornermi pineqaatissiilluni aalajangiisoqarnera taama inerneqarpoq, tassani rumaniamiut angutit tallimat hashimik tuniniaasutut pisuutinneqartut suliassanngorteqqinneqarnikuuvoq.
Pineqaatissiissut sivikinnerusoq
Angutinili tallimaasunit sisamat pineqaatissinneqarsimasut inissiisarfianni pineqaatissinneqarnerat Nuummi eqqartuussiviup aalajangigaanit sivikinnerusariaqartoq, Kalaallit Nunaata Eqqartuussiviata paasivaa.
Kalaallit Nunaanni Politiini unnerluussisussaatitaasup, Lasse Mayip, eqqartuussiviup aalajangiussaa naammagisimaarpaa.
- Kalaallit Nunaannut piffissap sivikitsup ingerlanerani angalasaqattaarnerup, aammalu hashimik aningaasanillu nassaarnermik ilaqarnera aaqqissuussamik anertuumillu hashimik eqqussuinermik politiit naliliinerat, ingammik eqqartuussiviup isumaqatigimmagu naammagisimaarpara, tusagassiuutinut nalunaarummi erseqqissaavoq.
Nunamit anistsinerit
Angutit tallimaasunit pingasut aamma pineqaatissiissut naammassigunikku Kalaallit Nunaannit anisinneqarnissaat aalajangiunneqarpoq.
Angutit taakku allat marluk pineqaatissinneqarnertik naammassigunikku, ilaqutaqarnertik pissutigalugu Nunatsinniiginnarsinnaatitaapput.
Ukioq ataaseq affarlu
Tuniniaanermut tunuliaqutaasoq sivisunerpaamik pineqaatissinneqarpoq, tassa ukioq ataaseq affarlu. Angutit sisamat qaammatini tallimaniik 13-inut pineqaatissinneqarsimasut inissiisarfianiittussanngortinneqarput.
Eqqartuussivimmi juulimi suliami siullermi Ungarnimi innuttaassuseqartoq aamma unnerluunneqarpoq. Taanna qaammatini arfineq-pingasuni pineqaatissinneqartut inissiisarfianiittussanngorlugu pineqaatissinneqarpoq. Taanna aalajangiussaq suliassanngorteqqinneqanngilaq.