angalanerit
Europami akikitsumik aasarsiorneq
Europap Kangisissuanut angalaqqigit, Københavnimiiginnaruit akisuallaassaaq
Europami illoqarfissuarmi aasarsioriarnissannik pilersaaruteqaruit nalunaarusiap Worldwide Cost of Living 2017-ip The Economistimeersup atuarnissaa isumassarsiatsialaavoq.
Tassani Europami nunarsuullu sinnerani illoqarfissuarni aasarsioriarniaraanni sumiiffiit sorliit akikinnerpaanersut akisunerpaanersullu atuarneqarsinnaapput.
Akisunerpaat qulit
Københavnimi aasarsiornerup akisunera misissuinermi allaaserineqarpoq. Danmarkimi illoqarfiit pingaarnersaat Europami illoqarfinnut akisunerpaanut ilaaginnanngilaq, aammali Europami illoqarfiit akisunerpaat qulit allattorsimaffianut ilaavoq, aammali illoqarfik nunarsuarmi akisunerpaat qulit akornannut ilaavoq taamaattorli New York, Paris aamma Tokyo akisunerullutik. Singapore akisunerpaatut inissisimavoq.
Kangisissoq akikinneruvoq
Europami ornitassamik sumiiffimmik akikinnerusumik ujaasigaanni Europap Kangisissuanukarnissaq isumassarsiatsialaavoq.
Rumaniami Bukarest, Bulgariami Sofia, Polenimi Warszawa aamma Tjekkiami Prag misissuinermi illoqarfissuarni akikinnerpaat qulit akornanniittutut allaqqapput. Tassani nerisassanut, imigassanut assartuinermullu aningaasartuutit pineqarlutik.
Europami illoqarfiit akisunerpaat tallimat:
Zurich
Geneva
Paris
Copenhagen
Oslo
Akikinnerpaat tallimat:
Sofia
St Petersburg
Kiev
Bucharest
Almaty
Tusarfik: The Telegraph