Atermik atueqqusinnginneq
Eskimo eskimonit kisimi atorneqassaaq
Torlorsortartoq Tanya Tagaq tusaamasaassutsini atorluaqqippaa. Massakkut nunat inoqqaavisa pisinnaatitaaffiinut. Nipilersoqatigiit amerikameersut atertik allanngortippaat
Nipilersoqatigiit New yorkimiittut maanna pineqarput. Taakku imminnut atsersimanerat pillugu torlorsortartup uparuaanera amerlasuut isumaqataaffigaat; Eskimeaux.
Amerikamiut canadallu tusagassiorfii facebookimilu oqallinneq tunngavigalugu tamanna paasinarsivoq.
Ateq Eskimeaux eskimonit imminnut inummik taagorusunngitsunit pigineqartoq Tanya Tagaq isumaqarpoq.
Atuaruk: Torlorsortartup Tanya Tagaqip assinga peerneqartoq
- Oqaaseq eskimo atussagukku eskimojusariaqarput, taamaanngippat ulloqeqqasiutigissavakkit, Tagaq nipilersoqatigiinni erinarsortumut Gabrielle Smithimut tweeterpoq.
Ó-mik ateqarlerput
Gabrielle Smithimut akerliullutik oqaatsimik atornerluisuuneraasut tweetertut ikigisassaanngitsut uparuartuereertullu taakku oqaloqatigiipput. Tamanna inerneqarpoq Gabrielle Smithip nipilersoqatigiit atiat Eskimeaux-imit Ó-mut allanngortittariaqalerneranik.
- Ataqqinninneruvoq, Tagaq twitterimini allappoq.
Tanya Tagaq ukioq aallartilaartoq facebookimut asseq puisip amianik assilisaq ikkutaa facebookimit peerneqarpoq. Taamaaliortoqarnerani erinarsortartoq uparuaareertorlu facebook utoqqatserpoq. Torlorsortartoq Nuummut tusarnaariartitseqqanerani tamanna pivoq.