Umiarsuarmi nipilersorneq
Erinnat taallallu Arsummi aamma Sarfaq Ittummi
Juaaka Lyberth aamma Leif Saandvig Immanuesen Arsummut tusarnaartitsiartorlutillu taallanik atuaajartussapput - Nuup Arsuullu akornanni siumut utimullu angalanerminni Sarfaq Ittummi aliikkusersuisassapput
Umiaq Arctic Line-p sinersortaataanut Sarfaq Ittummut, marlunngorneq 11 november Arsuup tungaanut ingerlaartussamut ilaasussat immikkut qilanaarutissaqalerput.
Arsummi Nunaqarfimmi Aqutsisut, Umiaq Arctic Line-ip aamma nipilersortartut Juaaka Lyberth Leif Saandvig Immanuelsenillu suleqatigiilluarnerisigut periarfissaqalerpoq, nipilersortartut taakku Sarfaq Ittummi umiarsuarmi aliikkusersuinissaannut.
Umiarsuatsialak Sarfaq Ittut pingasunngorpat 12. november Arsummut tikinniariarpat, nipilersortartut taakku meeqqanut atuarfimmi aliikkusersuissapput nal. 10.00.
Unnukkullu nal. 19.00 Arsummi katersortarfiup matui ammarneqassapput Juaaka Leiffilu aliikkusersueqqilerpata.
Nipilersukkanik assigiinngitsunik aliikkusersuisoqassaaq, taallanik aamma Juaakap atuakkiaanik ”Naleqqusseruttortunit” tigusillattaarluni atuffassisoqassalluni.
Umiarsuarlu Sarfaq Ittut aqaguani avannamukaqqilerpat nipilersortartut taakku Nuup tungaanut appisimaaqqissapput.
– Assut qilanaarpugut ”orraajuannguarluta” umiarsuarmi aliikkusersuinissatsinnut, qilanaarneruvugulli Arsummiunut meeqqanut inersimasunullu aliikkusersuinissatsinnut”, Juaaka Leiffilu oqaluttuarput.
– inuinnarpalaartunik aamma kalattuunik allanillu appisimaassaagut, taallanik akunniliisarluta, ukiorlu imaasereermat qularnanngilaq juullerpaluttunnguanik aamma appilaarinnaanissarput, Juaaka Lyberth tusagassiorfinnut nalunaarutikkut oqarpoq.