Kulturskat

Erinarsortoqassaaq!

Kommuneqarfik Sermersuup atuarfiini atualeqqaartut aallartikkunik tunissutisiassaqaerput borgmesterimillu inuulluaqqussutisiassaqarlutik

Kommuneqarfik Sermersuup atualeqqaartussarpassuit pilluaqquvai - ilaatigut tunissuteqarfigalugit.

– Neriuppunga atuarneq nuannarilluassagissi, pikkorillualissasusi immissinnullu kammalaatigiilluarlusi.
Ilaatigut taamatut allappoq borgmester Asii Chemnitz Narup, Kommuneqarfik Sermersuumi atualerlaarpassuarnut tikilluaqqusinermini. Atualerlaammi borgmesterimit tunissutisiassaqarput inuulluaqquneqarlutillu.
– Tunissut tassaavoq erinarsuutit Erinarsuutikka, neriuppungalu atuarfimmi erinarsortarlugillu ilaquttasilu erinarsortarumaarisi. Atualeqqaarnissinni pilluaritsi, inuulluaqqussummi allassimavoq.
Taamatut paasissutissiivoq kommuip quppernera nittartagaq, tassanilu aamma takusinnaavat kommunimi atuarfinni qaqugu atualertoqassanersoq.

Powered by Labrador CMS