Saqqaarsik
Erinarsoqatigiit Kulturby 2017-imi tusarnaartitsiniartut
Region Midtjylland ukioq kulturisiorfik 2017-imut atatillugu angutit erinarsoqatigiit Saqqaarsivik Jyllandimi illoqarfinni assigiinngitsuni tallimani tusarnaartitsissapput.
Erinarsoqatigiit nuannarineqarluartut, Aarhusimi, Lemvigimi, Thyborønimi, Randersimi aamma Juelsmindemi juulip 25-annit juulip 30-ata tungaanut tusarnaarneqarsinnaassapput.
Ukiui nikingasorujussuit
Erinarsoqatigiinni ukiunik 50-nik nikingasoqarpoq - nukarlersaat 20-nik ukioqarpoq, angajullersaallu 70-nik ukioqarluni. Ilaasortat assigiinngitsuupput, ilinniartitsisut, sanasut, piniartut aamma allaffinni atorfillit, taakkulu Qaqortuminngaanneersuupput.
Erinarsoqatigiit katittunut, inuuissiortunut allatullu ullorsiortunut piumaneqartorujussuusarput.
Kalaallit Illuutaasa suliniummut ''Nukiga - min styrke''-mut atatillugu ukiormanna illoqarfimmi kulturisiorfiusoq suleqatigalugu erinarsoqatigiit Jyllandimi illoqarfinni tusarnaartitsinissaat aaqqissuuppaat.
Tusarnaartitsinissamut pilersaarut
Erinarsoqatigiit sumi tusarnaartitsissanersut takuuk: Pilersaarut
Spilleplanen