2018-imut aningaasanut inatsit
Eqqumiitsuliorneq kulturilerinerlu aningaasanut inatsimmi immikkoortitsivigineqarput
Ukiup tullianimut aningaasanut inatsit isumaqatigiissutigineqartumi isiginnaartitsinermut, filmiliornermut atuakkiornermullu aningaasat amerlanerunissaat qulakkeerneqarpoq
Aningaasanik immikkut 6,5 million koruuninik amerlinerisigut Naalakkersuisoqatigiit eqqumiitsuliorneq kulturilerinerlu nukittorsarniarpaat.
- Aningaasat isiginnaartitsisarfimmut, atuakkiortunut atuakkanillu saqqummersitsinemut kiisalu filmiliortartunut atugassarititat pitsaanerulersinnerannut, matumani filmiliortarfissamik pilersitsinermut annertunerusumik tapiinissamut atorniarneqarput, 2018-imut aningaasanut inatsissatut siunnersuummi allassimavoq.
- Taakkua saniatigut aningaasat eqqumiitsuliortut ammaanersiomermi takutitsinissaannut atatillugu kiisalu taamaaqataanik timersornikkut aaqqissuussanut peqataanissamut angalanermut aningaasartuutinik akiliisarnissamut atomiameqarput.
- Kiisalu aningaasat isiginnaartitsisartunut ataasiakkaanut imaluunniit isiginnaartitsisartunut arlalinnut peqatigiiffinneersunut tapersiissutitut atomeqarnissaat naatsorsuutigineqarsinnaavoq.
Atorniakkut eqqarsataavoq:
- Isiginnaartitsisarfimmut 3 million koruuninik amerlanerusunik aningaasaliineq
- Isiginnaartitsisartunut isiginnaartitsisartulluunniit peqatigiiffiinut 1 million koruuninik aningaasaliineq
- Filmiortartartut atugaasa pitsanngorsaavigineqarnissaannut filmiliortarfissamillu pilersitsinermut 1 million koruunit
- Atuakkiortunut atuakkanillu saqqummersitsinernut 500.000 koruunit
- Eqqumiitsuliortut timersornikkut aaqqissuussanut peqataanissamut angalanerinut aningaasartuutinut matussutissat 1 million koruunit.
- Timersorneq immikkut 1 million koruuninik aningaasaliiffigineqarpoq. Taakku nunanut allanut unammisartut angalanerinut atorneqassapput.