eqqumiitsuliorneq
Eqqumiitsulianik saqqummersitsinikkut qimuttut sammitinniarneqarput
Aasianni Hvalfangerhusetimi qaammat juuli naallugu eqqumiitsulianik saqqummersitsisoqarpoq, eqqumiitsuliortup Maria Steenholdtip qalipagaanik.
Annonse
Hvalfangerhusetimi siullermeersumik eqqumiitsulianik saqqummersitsisoqarpoq, Aasianni Honest Greenlandimeersoq Sørine Petersen, saqqummersitsinermik aaqqissuussisuusoq oqaluttuarpoq.
– Nunatsinni qimuttut kiisalu piniartut aalisartullu atugarisaat pitsaanerulersikkusuppavut. Pingaartumik avannaani qimmit qimmiutillillu atugarisaat imaannaanngitsuupput, taanna oqarpoq.
Taamaattumik qalipakkat eqqumiitsuliat ilaat tassaavoq kalaaleq arnaq qimmilisartoq. Maria Steenholdt saqqummersitsinerup nalaani naapinneqarsinnaavoq, saqqummersitsinerlu aggustip 4-aata tungaanut ammassaaq.