Eqqortumik qilanaartuuserit
Juullip tungaanut Katuami juullimut tusarnaartitsisoqarlunilu aliikkusersuisoqartassaaq
Ulluni aggersuni Katuami juullimut qilanaartuutissarpassuaqassaaq.
Ullumi artfininngornermi nalunaaqutaq 19.30 Erinarsoqatigiit N.I.P.E. Hans Lyngep Inersuaaraani juullimut tusarnaartitsissapput. Sapaatiuppat ataasinngorpallu decembarip 22-anni 23-annilu nalunaaqutaq 14.00 Maalia Hinnarik Meeqqallu juullimut tusarnaartitsillutillu aliikkusersuissapput.
Erinarsoqatigiit N.I.P.E. 1978-imiilli peqatigiiffittut atuussimavoq, peqatigiiffiullu erinarsuutit nalliuttunilu tussiutit sammisarai, immikkut pisoqartillugu nalliuttunilu erinarsortuusarlutik, tamatumalu saniatigut ilaqutariinni pisoqartillugu ilisinernilu erinarsortarlutik.
N .I.P.E. juullimut tusarnaartitsissaaq, tusarnaartitsinerlu aallartissaaq juullimut erinarsuutinik nutaanik noqartilimmik guitarimillu ingiortilerluni, naggataatigullu juullimut tussiutaanerusut atorneqassallutik.