inatsisitigut isumannaassuseq

Eqqartuussutit allattugaatigineqanngitsut

Eqqartuussutit allattugaatigineqannginnerisa illersuineq nukillaarsippaa

Unnerluussisut aamma illersuisut eqqartuussivinni nukittoqatigiimmik inissisimaneq ajorput

Inuit marluk assigiimmik pinerluuteqartut assigiimmik pineqaatissinneqartarpat? Tamanna allattugaatigineqanngilaq.

Tassami tamanut ammasumik Kalaallit Nunaanni eqqartuussutit allattorsimaffianik peqanngilaq. Tamanna sapaatip akunnerani kingullermi Kalaallit Nunaanni eqqartuussiveqarneq pillugu Christiansborgimi tusarniaasoqarmat peqataasunit arlalinnit isornartorsiorneqarpoq.

Inatsimmi allassimasut saniatigut nunani allani unnerluussisut illersuisullu pillaatissaq imaluunniit pineqaatissiissut tunngavilersorniaraangamikku, sulianut assingusunut unnersuussisarput.

Kisianni tamanna maani nunatsinni illersuisut periarfissarinngilaat. Politiit eqqartuussiviillu unnerluussisut eqqartuussisullu eqqartuussinermi nammineq atorsinnaasaminnik allattorsimaffiuteqarput.

- Illersuisup unnerluussisut eqqortumik saqqummiussinerat tatigisariaqartarpaat, eqqartuussissuserisoq Peter Schriver, Advokatrådet sinnerlugu oqarpoq.

Advokatrådetip aamma ukiaq inatsisitigut isumannaassuseq pillugu nalunaarusiamini innersuussutigaa:

- Danmarkimitut eqqartuussutigit allattorsimaffiannik Kalaallit Nunaanni peqalertariaqartoq, imaluunniit eqqartuussutit aalajangerneqartut danskit allattorsimaffiani takuneqarsinnaalertariaqartut.

Illersuisuunerup toqqarneqaqqammertup Finn Meinelip allattorsimaffiup amigaataanera, unnerluussisut aamma illersuisut eqqartuussivinni naligiinnginneranut pisooqataasut ilagigaat erseqqissaatigaa.

Powered by Labrador CMS