Kalaallit Nunaat

Eqqartuussivik napparsimasunut siunnersuisartunik amigaateqartoq

Tarnikkut nappaatililk pinngitsaaliissummik pineqarpat pineqartoq napparsimasunut siunnersuisartumik ikiorteqartinneqartussaavoq, Kalaallit Nunaannili Eqqartuussivimmi eqqartuussisoq atorfeqartinneqartussat affaannit amerlanernik amigaateqarpoq

Tarnikkut nappaatilinnik katsorsaasarnermi inatsit 2012-imi atuutilerpoq, taannalu ilaatigut tarnikkut nappaatilimmik pinngitsaaliissummik unitsitsisoqartillugu napparsimasunut siunnersuisartumik aningaasarsialimmik ikiorteqartitsinissamik piumasaqammik imaqarpoq (tarnikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut inatsisaat nr. 24, 3. December 2012-imeersumi paragraf 32).

Eqqartuussivimmi eqqartuussisoq napparsimasunut siunnersuisartunik 3-5-inik suli pisariaqartitsivoq, ullumikkulli sisamaannaallutik.

- Siunnersuisartut ilaat ataaseq feeriarpat imaluunniit pikkorissarpat attaveqarfigineqarsinnaasut ikippallaalissapput. Immikkoortortaqarfik napparsimasunut siunnersuisartut atorfissaqartinneqaleraangata sianerfigisinnaasatta allattorsimaffiannik pigisaqarpoq, taakkualu tulleriiaarlugit attaveqarfigineqartarput. Napparsimasunut siunnersuisartut ullumikkut sisamaannaapput, siunnersuisartullu pingasut tallimallu akornanni amerlanerit pigisussaagaluarpavut, Peqqissutsimut Attaveqarnermullu Naalakkersuisoqarfimmi inatsisileritooq, Ajâja Bastiansen, oqarpoq.

Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk:

Powered by Labrador CMS