Nunatta eqqartuussisuuneqarfia
Eqqartuussivik: It'mut pisortap soraarsinneqarnera isornartoqanngilaq
Michael Williams Kommuneqarfik Sermersuumi it'mut pisortaasimasumik soraarsitsineq isornartoqanngilaq. Eqqartuussiviup taama aalajangiussaqarsimanera Nunatta Eqqartuussisuuneqarfianit naqissuseqqinneqartoq, KNR paasissutissiivoq.
Suliaq 2014-imi aallartippoq, taamani it'mut pisortaq, massakkut kommunaldirektørinngorsimasoq Lars Møller Sørensen aningaasaqarnermut pisortaanerata nalaani kammalaaterserneralugu pisuutippaa.
Illoyal optræden
Kommuni isumaqarpoq it'mut pisortaq kommunip akulerutsinnginnerani Ombudsmandi Transparency Greenlandillu akuliutsinnerisigut tatiginanngitsumik saqqummersimasoq.
Eqqartuussut ulloq 12. september nunap eqqartuussisuuneqarfiani aalajangerneqarpoq, tassani taanna whistlebloweriunani suliffimminulli tatiginanngitsumik iliuuseqarsimanerarpaa.
Eqqartuussinermut aningaasartuutit
It'mut pisortaq eqqunngitsumik soraarsitaasimanerangaalluni 105.000 koruuninik taarsiivigineqarnissani piumasarisimangaa, KNR allappoq, eqqartuussinermilu aningaasartuutit 25.000 koruunit missaanniittut it'mut pisortap akilertussaagai ilassutigalugu allappoq.