Eqqartuussisuuneqarfiup arnaq aappaminik toqutsisutut ukiuni 12-ini paarnaarussassanngortippaa
Siorna maajimi ullaakkut arnap maanna 29-nik ukioqartup aappani tunuatigut kapivaa. Marlunngornermi toqutsisimasutut pineqaatissinneqarpoq.
Maajip 31-anni siorna ullaaralaakkut arnap maanna 29-nik ukioqartup aappani savimmik tunuatigut kapivaa.
Savimmik kapisineq aappariit najugaanni Jellingimi pivoq. Tassani 53-nik ukiulik Johnny Andreassen sinittarfimminni tunumigut kapineqarpoq. Taassuma aanaarnini toqqutigaa.
Tullerunnaq Tukummeq Egede marlunngornermi Vestre Landsretimi eqqartuusseqataasoqartillugu eqqartuussinermi toqutsisutut ukiuni aqqaneq-marlunni paarnaarussassanngortinneqarpoq.
Suliap ingerlanerani inooqatimi toqunnissaa siunertarisimanagu oqaatigaa. Suliaq illoqarfiup eqqartuussiviani suliarineqarnerani oqaluttuaraa, aappaminit ajanneqarsimalluni, taamaammallu kamaattorujussuusimallugu.
Ukiuni aqqaneq-marlunni paarnaarussassanngortitsineq toqutsisoqartillugu pineqaatissiissut nalinginnaasuusarpoq. Kisianni suliaq Koldingip eqqartuussiviani eqqartuusseqataasoqartillugu suliarineqarmat ukiuni 11-ni paarnaarussassanngortitsilluni pineqaatissiisoqarpoq.
Vestre Landsretili suliami sakkukillisaataasumik pisoqarsimanngitsoq naliliivoq.
/ritzau/