Thule Air Base

Eqqartuussinerup kingorna: Vectrus Thulemi aallartinnissamimut qilanaarpoq

Amerikarmiut ingerlatsiviat Vectrus Thule Air Basemi sulilernissaminut qilanaarpoq

Sulilernissamut piffissanngorpoq.

Thulemut isumaqatigiissutip assortuussutaaneranut pisuujunerpaaq, ingerlatsivik amerikarmiunit pigineqartoq Exelis Services taamatut nalunaaruteqarpoq.

Taanna mailikkut KNR-mut taamatut nalunaaruteqarpoq, USA-mi eqqartuussivik ingerlatitseqqiffiusoq sapaatip akunnerani kingullermi aalajangereersorlu Avannaani Thulemi sakkutooqarfimmi kiffartuussinissamik isumaqatigiissut eqqartorneqartorujussuusimasoq Exelis Serviecesip tigussagaa.

Isumaqatigiissut 2014-imi pivaa

Aalajangiineq suli tamanut saqqummiunneqanngikkaluartoq ingerlatsivik amerikarmut sakkutuuinik timmisartortartunik kiffartuussinissani qilanaaraa, Vectrus KNR-mut allappoq. taassumalu Exelis Services pigaa.

Exelis Servicesip isumaqatigiissut 2014-imili oktobarimi pissarsiarigaluarpaa, suliassaq qallunaat kalaallillu oqartussaasuinit arlalissuariarlugu suliarineqareersorlu.

Isumaqatigiissutilli nutaap atuutilernissaa kinguartinneqarpoq, amerikarmiut eqqartuussiviat naliliimmat ingerlagsiviup suliarinnittussarsiuussinermi piumasaqaatit malissimanngikkai.

Powered by Labrador CMS