Eqqagassalerineq
Eqqaavilereriaaseq nutaaq
Suliffimmi isumannaallisaanikkut pissutsit ajortut assartuinermullu akit qaffasinnerujussui tamakkuupput Paamiuni eqqaavilerinermi atugassarititaasimasut. Paamiuni eqqakkat poortoriikkat 320 tonsit Paamiuniit Nuummi ikuallaavimmut siorna 2016-imi nassiunneqarput. Tamannalu tamaanga killeqarpoq.
Paamiuni eqqakkanik naqitsissummik poortuutitalimmik nutaamik pitaaqqammerput, taamaasillutik eqqakkanik suliaqartut suleriaasissaat oqilisaaffigineqarluni.
Eqqakkat ikuallassinnaasut
Paamiormiut eqqagaat ikuallanneqarsinnaasut poortorneqarlutik umiarsuarmik Paamiuniit Nuummi ikuallaavimmut nassiunneqartarneri ukiuni marlunni qaammatinilu arfinilinni ingerlanneqartareerpoq. Ajornaatsuinnaasimanngilarli.
- Eqqakkanik poortuutit nutaat atulernerini sulinermillu pitsannguinerni eqqakkanik passussinermi ajornartorsiutaasut aaqqinneqarput tamatumalu nassataanik eqqakkat umiarsuartsigut nassiunneqartarnerisa akii 50 procentit angullugit akikinnerulissallutik. Tamakku aaqqinnerini Paamiut ingerlatsiviani sulisut sulinerminni atugarissaarnerulerneranni illoqarfimmiut eqqagaat ajornannginnerusumik imminullu akilersinnaanerusumik suliarineqartarlerput, Kommuneqarfik Sermersuup Ingerlatsinermi Avatangiisinullu immikkoortortaqarfiani pisortaq, Frank Rasmussen oqarpoq.