Arsaannermi GM
Eqaluk 54 GM-imut annguppoq
Arsaannermi GM-mut kujataani anngunniunneq naammassivoq. Assit angusallu takukkit
Eqaluk 54 Tasiusameersoq arsaannermi GM-ip naggataarneqarnissaanut annguteqqippoq. Anngunnertilli qulakkeerpaat unamminerit tamarmik naammassimmata.
Marlunngornermi Qaqortumi unamminissat sioqqullugit pissangasoqarpoq. Nagtoralik Paamiuneersoq K-33-mut Qaqortumeersumut unammivoq unamminerup aappaani Eqaluk 54 Tasiusameersoq N-85-mut Narsameersumut unammisoq. K-33 aamma Eqaluk 54 imminnut unammineminni naligiiginnarnikuupput. Taamaammat taakku tamarmik ajugaasariaqarput angunniassagunik kikkullu anngunnissaannut målit isertut amerlassusaat apeqqutaalluinnartussaavoq
Ajugaatitsisoq
Nagtoralik arsartunik marlunnik peqataasinnaatitaanngikkallartortaqartoq K-33-mut unamminermini akiuulluavippoq. Unammineq naammassilluinnalersoq 1-1-mik naligiipput. Sîvalêraq Terkildsen ajugaatitsisuulluni Nagtoralik sinnerlugu 2-1-mut isertitsisuuvoq.
Unamminerup taamatut naammassinerata Eqaluk 54 GM-mut anngunnissamut qanilliserujussuarpaa. Taamaattoq N-85-mut Narsameersumut aallartinnerliorput. N-85 2-0-mik siuarpoq. Taakkuli mumereernermi qasulerput taamalu Eqaluk 54 arsamik tigumminerulerluni. Eqaluk 54 marloriarluni isertitsivoq taamalu 2-2-mik naligiiginnarlutik. Taamaasillutik Eqaluk 54 Nuummi GM-qarnissaanut anngupput.
Maanna iligiit arfinillit anngutereersimalerput. Tassaapput FC Malamuk Uummameersoq, Nagdlúnguak Ilulissaneersoq, G-44 Qeqertarsuarmeersoq, NÛK Nuummeersoq, TM-62 Kulusumeersoq kiisalu Eqaluk 54 Tasiusameersoq.
Qeqqani anngunniunneq pingasunngornermi aallartissaaq tassannaanngiillu iligiit marluk anngutissapput.
Aajuku marlunngornermi Qaqortumi angusat:
Nagtoralik – K-33 2-1
N-85 – Eqaluk 54 2-2
Assit ataani takukkit