Eqaluit pillugit suliaqartoq oqartussanit unitsinneqartoq

Marius Olsen Sisimiuneersoq eqalunnik tuniniaarusuttoq pillugu Sermitsiaq.AG-mi ataasinngormat allaaserineqarpoq.

Marius Olsenilli misileraanera Uumasunut Nakorsaqarfik Inuussutissalerinermullu Oqartussarqarfiup unitsippaa.

Uumasut nakorsaata Sanne Eline Wennerbergip Marius Olsenimut mailimik ima allappoq:

'Asasara Marius Olsen,
Uumasunut Nakorsaqarfik Inuussutissalerinermullu Oqartussarqarfiup (UNIO) Sermitsiami allaaserisakkut eqalunnik kalaalimineerniarfimmut anngutinnginnerini qummuattaasami uumatillugit ikillugit tikiussisimasutit maluginiarsimavaa.
Taamatut pilersaarutit soqutigalugu isiginiarparput – tamatumunngali atatillugu maluginiaqussallugu, taamatut iliuuseqarnissami akuersissut aqqutigalugu qulakkeerniagassaassammat, aalisakkat illersorneqarsinnaasumik nakkutigineqarnissaat, taamatullu aamma inunnik nerisassiarineqarsinnaanissaat.
Tamatuma saniatigut Uumasunik illersuineq pillugu Inatsisartut inatsisissaattut nr. 25, 18. december 2003- meer-sup § 8-a naapertorlugu uumasunik nujuillisarneqarsimasunik pinngortitamut nunalisitsineq inerteqqutaammat, Naalakkersuisulli akuersissuteqarsinnaanermut malittarisassiuussisinnaatitaallutik.
Inatsit naapertorlugu taamatut pilersaarutinnik ingerlatsiinnarniaruit akursissummik peqatussaavutit. Taamaattu-mik pilersaarutivit sukumiisumik allaaserinera uagutsinnut nassiuteqquneqarpoq, taannalu toqqammavigalugu pilersaarummut akuersissuteqartoqassanersoq aalajangiiffigineqarumaarluni.
Taamaammat akuersissummik tunineqartinnak pilersaarutit uninngatittariaqarpat.
Matuma siuliani pineqartunut apeqqutissaqaruit uagutsinnut qaqugukkulluunniit saaffiginnussuteqarsinnaavutit.', Sanne Eline Wennerbergip Marius Olsen sisamanngormat allaffigaa.

Tamanna pillugu Sermitsiaq.AG-ip Marius Olsen oqaaseqartinniarpaa.