atorfeqarneq
Hans Enoksen Qeqertarsuatsiaani niuertunngussaaq
Partii Naleqqami siulittaasoq aggustip aallaqqaataani sulilissaaq
Nunatsinni niuertut ilisimaneqarnerpaartaat, Partii Naleqqami siulittaasoq Hans Enoksen, niuertarfimmut allamut nooqqippoq.
Nunatsinni oqaluttarfiit akimanerpaanni Inatsisartuniinngikkaangami, Pilersuisumi ulluinnarni atorfimminiittarpoq.
Qeqertarsuatsiaanut nuuttoq
Nunaqarfinni niuertup taamatut atorfeqartarnermini niuertarfinni arlalinni atorfeqartarsimavoq. Qaammatillu tulliani Qeqertarsuatsiaani niuertutut atorfinissaaq, KNI Facebookikkut taama ilisimatitsivoq.
Hans Enoksenip najukkamini Itillimi niuertarfimmit Saqqamut nuuppoq. Decembarimi 2012-mi Kullorsuarmut ingerlaqqippoq, juunimilu 2013-imi Kangerlussuup niuertarfianut nuuppoq, tassanilu nioqqutit akileraaruteqanngitsut aamma mittarfimmi tammajuitsorsiniartarfik akisussaaffigilerpai.