utoqqatserneq
Enoksen aappassaa utoqqatsertoq
Upernaakkut 2006-imi Hans Enoksen suliamik assingusumik nalaataqarpoqm, taanna aamma utoqqatsernermik kinguneqarnikuuvoq
Hans Enoksen politikerit allat iliuusaat pillugit siullermeerluni aatsaat utoqqatsertariaqalinngilaq.
Partii Naleqqami siulittaasutut Tele-Postip pisortaaneranut, Kristian Reinert Davidsenimut utoqqatseqqammerpoq. Inatsisartunut ilaasortap, Per Rosing-Petersenip, maanna partiimit ilaasortaajunnaartitaasup uppernarsaatissaqanngitsunik pasilliinikuunerata kingorna tamanna pivoq.
Atuaruk: Enoksen Telemi pisortamut utoqqatserpoq
Great Greenland
2006-imi upernaakkut Hans Enoksen taamani Siumumut Naalakkersuisunullu siulittaasuutilluni assingusumik nalaataqarpoq.
Aalisarnermut piniarnermut naalakkersuisuusimasoq, Finn Karlsen, taamanikkut Atassummi siuttuusoq, aammalu partiimi aqutsisunut ilaasortat allat, taamani Great Greenlandimi pisortaasoq, Michael K. Nielsen, peqquserluuteqartutut pasillerfigaat.
Tamatuma kingorna Michael K. Nielsen ilaatigut kukkunersiuinernik nalunaarusiatigut pinngitsuutinneqarpoq, ilaatigullu Hans Enoksenimit ammasumik utoqqatserfigineqarpoq.
Assuarnaanneq
- Naalakkersuisut sinnerlugit Great Greenlandip aqutsisuinut tapersiinera oqaatigerusuppara. Naalakkersuisut kissaatiginngilaat pisortap Michael K. Nieslsenip imaluunniit aqutsisut sinnerisa assuarnaannerat qularineqarnissaat. Naalakkersuisut sinnerlugit Michael K. Nielsenimut, ilaqutaanut aamma Great Greenlandimi sulisuinut, piffissami kingullermi tusagassiuutitigut oqaluuserineqarnerinut akorngutigisimasaanut utoqqatserusuppunga, tamanna tusagassiuutinut nalunaarummi taamani atuarneqarsinnaavoq.
Atuaruk: Great Greenland eqqunngitsumik unnerluutigineqarpoq