Qaasuitsoq Kujalleq
Enok Sandgreen: Qaasuitsoq Kujallermi borgmesterinngorpunga
Siumut aamma Atassut Qaasuitsoq Kujallermi isumaqatigiissuteqarput. Siumumeersup Enok Sandgreenip borgmesterinngorluni Sermitsiaq.AG-mut uppernarsarpaa
Maanna aalajangerneqarpoq.
Siumumeersoq Enok Sandgreen siuttoralugu Qaasuitsoq Kujallermi Siumut Atassummik isumaqatigiissumik atsioqateqarpoq.
Enok Sandgreen taamaalilluni kommunissami borgmesterinngorpoq. Taassuma tamanna Sermitsiaq.AG-mut uppernarsarpaa.
Qaasuitsoq Kujallermi Naja Petersen Atassummeersoq borgmesterip sinniisorissagaa, taanna ilisimatitsivoq.
- Atassut suleqatigissallugu isumaqatigiinnerput nuannaarutigaara, atsioqatigeeqqammerpugut. Borgmesterinngornissaq unammillernartoqassaaq, kommunimi ilulisilersornissaanut aqqutsissiuttussaavarput. Aningaasaqarnerup ilorraap tungaanut sangutinnissaa suliassatsinni siulliussaaq, Enok Sangreen, Sermitsiaq.AG-mut oqarpoq.
Qaasuitsoq Kujallermi borgmesterinngortitsinissamut aalajangiisoq, Naja Petersen (A) isumaginninermut ataatsimiititaliami siulittaasunngussaaq aammalu aningaasaqarnermut ataatsimiititaliami ilaasortanngussalluni, Enok Sandgreen paasissutissiivoq.