isummat pigiliussat
Enhedslisteni: Kalaallit Danmarkimiittut immikkut iliiuseqarfigineqassapput
Peqatigiiffik Naalagaaffeqatigiiffiup qallunaat kalaallit pillugit isummanik pigiliutiinnagaat allanngortinniarlugit politikkikkut iliuuseqartoqarnissaanik ujartuinera qallunaanit taperserneqarpoq
- Kalaallit Nunaanni ilisimatitsissutigineqartassaaq Danmarki inuulluataaginnarfiunngitsoq suliffissalik, ilinniarfissalik ikiorsiissutinillu aalliinnariaaffik.
Enhedslistenimi Kalaallit Nunaannut tunngasunik oqaaseqartartoq, Finn Sørensen, oqarpoq.
Tamanna pivoq Peqatigiiffik Naalagaafeqatigiiffiup qallunaat kalaallit imerajuttuusutut isummanik pigiliutuunnagaqarneri suli ulloq manna tikillugu ersarimmat, tamannalu allanngortinniarlugu politikkikkut iliuuseqarfigineqarnissaannik piumasaqarmat.
Immikkut tikilluaqqusisarneq
- Danmarkimi immikkut tikilluaqqusisalissaagut. Kalaallit Danamrkimut tikikkaangata immikkut sullinneqartariaqarput, siunnersorneqarlutik ikiorneqarlutillu aqqusinermi uniinnannginniassammata. Paasisariaqarparput kalaallit immikkut ittumik iliuuseqarfigineqartariaqarmata – nunanit allanit qimaasunit ajornerusumik pineqassanngillat, tassami piorsarsimassutsikkut unammilligassat Syriameersuugaluaraanniluunniit tamanut assigiipput, Finn Sørensen oqarpoq.
Taassuma aamma oqaatigaa qallunaat kalaallillu kommunii suleqatigiinnerusariaqartut, qanoq ingerlasoqarneranik imminnut ilisimatittarnikkut.