Elitefutsalimik pikkorissaaneq iluatsilluartoq

- Nalunaaquttap akunnerini 40-ni futsalimik pikkorissaaneq, soqutigineqarluartumik atugagarsorfiungaatsiarlunilu assigiinngitsunik suliassartalik, naammassineqarluarpoq.

Kalaallit Arsaattartut Kattuffiat (KAK) tusagassiuutinut nalunaarummi allappoq.

Pikkorissaaneq, Uefa-mi ilitsersuisartumit Mico Martic-imit Finlandimilu nunanut allanut unammisartunut sungisaasumit aqunneqarpoq, Nuummilu ingerlanneqarluni.

Pikkorissaanermi ilaatigut anguniagaavoq, nunanut allanut unammisartunut sungiusaasut nunallu immikkoortoqarfiini sungiusaasut siunissami unammilligassaalerumaartunut ilinniartinnerat.

- Siunissami pikkorilluinnartunik pilersitsiniarnermi peqatigiiffinni tunngavinnik qaffassaanissaq pisariaqarpoq, neriuutigaarpulli ilitsersuisut tikinnerini tigulluarneqarumaartut. KAK pilersaarutit malillugit pikkorissaanermut pilersaarutinik nassiussuissaaq, taamaasiornikkut pikkorissaanerit sumi qaninnerit ingerlanneqarnissaat qaquguli ingerlanneqassanersut ilisimaneqalissapput, isikkamik arsaattartut kattuffiani KAK-mi siulittaasoq, John Thorsen tusagassiuutinut nalunaarummi oqarpoq.

Unammersuarnernik aaqqissuussinissamik anguniagaq

Futsalimik nunanut allanut unammisartunut sungiusaasup René Olsenip pikkorissaasoqarsimanera nuannaarutigaa.

- Najukkani nunanilu tamalaani attaveqaatitta suleqatigineri nukittorsassavagut, sungiusaasutulli paasisimasagut annertusarniartuassallugit. Nunap immikkoortoqarfiini sungiusaasut ilaatigut aamma suliassarissavaat Nunap immikkoortoqarfiini (Avannaani, Qeqqani aamma Kujataani) futsalimik aaqqissuussinerit, tassani piginnaanillik nunanut allanut unammisartunut peqataasalernissaat anguniarneqassallluni. Unammeriaatsit, isumaqatigiissutit, inooriaaseq siunissamulli pilersaarutit, siunissami nunanut allanut unammisartunngorumaartunut paasitissallugit KAK-mit pingaartinneqarput, nunanut allanut unammisartunut sungisaasoq oqarpoq.