Skip to main content

Elite Sport Greenland: Arsalerillaqqissup akiuutillaqqissullu inuusuppallaarluni qimappaatigut

Elite Sport Greenlandimi siulittaasoq, Malik Hegelund Olsen, alianaqisumik Mikkel Ostermannip toquneranut atatillugu aaqqissuisoqarfik eqqaaniummik nassippaa.

Malik Hegelund Olsenip, Elite Sport Greenlandimi siulittaasup, Mikkel Ostermann pillugu eqqaaniut una nassiuppaa:

Aasiaammiut timersullammaanerpaartaasa ukiuni kingullerni angutit nunanut allanut unammisartuini assammut arsaattartuni klubbimilu, Norsaq HC-meersoq alianaqisumik ajutoornikkut annaavarput.

Mikkel Ostermann Norsaq HC-p unammisitsinerni pissanganarluinnartuni arsaqatini peqatigalugit ajugaasitsisarneri pillugit eqqaamaneqassaaq.

Nuannarineqarluinnartuuvoq, timersornermi avataanilu timersorneq pillugu tunniusimalluinnartuulluni. Mikkel Ostermann nunanut allanut unammisartuni toqqagassanut akuuvoq ikinngutiginnillaqqissusini, unammillillaqqissutsini arsaalerillaqqissusinilu pillugit eqqaamaneqaatigissallugit.

Mikkel Ostermannip inuusuppallaarluni qimappaatigut.

Elite Sport Greenlandimit timersortartorsuarmik annaasaqarnerput aliasuutigingaarparput ilaqutaasut, ikinngutit, aasianni timersortartorpassuit holdeqataalu misiginneqatiginninnitsinnik apuusiffigalugit.

Eqqaaneqarnera ataqqinartuuli.

Siulittaasoq, Malik Hegelund Olsen

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER