Ilulissat
Elgigantenip ammarneranit assit takukkit
Inuppassuit pisiniarniullutik utaqqipput
Sisamanngormat oktobarip 29-anni Elgiganten Ilulissani pisiniarfia siulleq ammarmat pisiniat 150-it missaanniittut isaapput, sulisut ersaartarlutik tikilluaqqugaatik.
Erfalasut
Pisiniarfik nunatta erfalasorpassuinik pinnersarneqarsimavoq, ilisiviillu elektronikkimik nioqqutissanik, illoqarfimmi takuneqarsimanngitsutut amerlatigisunik ulikkaavipput. Ullaarnganiit pisiniartorpassuupput ammaanersiornermi neqeroorutinik atortunik allanik pisiniullutik, Pisiffik taamatut paasissutissiivoq.
Pilersaarusiorneq
Elgigantenip Ilullissani ammarneqarnissaa sivisuumik pilersaarusiorneqarsimavoq.
Inissaa piareermat svenskit ikkussuisartut tikisinneqarput pequtassaalu tamaasa ikkussorlugit Elgigantenip najoqqutassiuinera malillugu. Tamatuma kingorna nioqqutissat tikisinneqarput, Norgemiillu Elkjøp-imit, Elgigantenimik piginnittumit, aallartitaq tikippoq, taannalu ullormi ammaanersiornermi pisiniarfiup naammaginartumik pitsaassuseqarnissaanik qulakkeerinneqataavoq.
Kaaviiaartitsilluarpoq
– Pisiffimmi ullumikkumut qilanaarsimavugut, pakatsinngilagullu. Kaaviiaartitatigut ulloq angusarissaarfiulluartorujussuuvoq, Pisiffimmi pisiortornermut pisortaq Niels Andersen erseqqissaavoq.