Ejbøl: Nalunaarusiaq utertinneqartariaqarpoq

Kalaallit Nunaanni tusagassiuteqarnikkut pissutsit pillugit nalunaarusiaq nutaaq ilaatigut Tusagassiorfimmi Sermitsiaq.AG-mi siulersuisut siulittaasuannit sakkortuumik isornartorsiorneqarpoq suliaalluagaannginnerarneqarluni

- Nalunaarusiami paasissutissat kukkusut ingerlateqqinnerat tulluanngilaq, Tusagassiivik Sermitsiaq.AG-p siulersuisuinut siulittaasoq Jørgen Ejbøk oqarpoq

Tusagassiorfik Sermitsiaq.AG-mi siulersuisuni siulittaasup Jørgen Ejbølip naluaarusiap pitsaassusaa tupigusuutigaa, Sermitsiaq allappoq.

- Misissuineq pissutsinut piviusunut naapertuutinngilluinnartoq naammaginngeqaara. Tassalu aviisit AG aamma Sermitsiaq tassaasut Naalakkersuisut qinersisissaminnik pissarsiniarfittut atugarigaat, imarisaasalu annersaat toqqaannartumik tusagassiuutinut nalunaarutineersuusut, tamannalu eqqunngilluinnarpoq, Jørgen Ejbøl isornartorsiuinerminut ilaatigut oqarpoq.

Nuanniitsunik pilersitsineq

Jørgen Ejbølip aamma maluginiarpaa naluaarusiami tusagassiorfik pisortat tusagassiuuteqarnermut tapiissutaannit amerlanerpaanit pissarsisartutut eqqartorneqarmat.

- Tusagassiuutinut tapiissutit kaaviiaartitsinitta ilaminiinneraat. Siorna 40 million koruuninik kaaviiaartitsinitsinni 1,5 million koruuninik tapiissutisivugut. Nalunaarusiami paasissutissat kukkusut ingerlateqqinnerat tulluanngilaq Kalaallillu Nunaanni tusagassiorneq pillugu upperiliinnakkanik nuanniitsumik pilersitsilluni, tassalu maleruutiinnartutut Namminersorlutillu Oqartussanit akilerneqartutut.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Powered by Labrador CMS