Saqqummersitsineq

Egevang saqqummersitsillunilu oqaluttuassaaq

Assilisanik saqqummersitsineq ’Life at the edge’ juunip 26-ani Nuummi ammarneqassaaq

’Life at the edge’-mi assilisat ilaat

Assiliisartup Carsten Egevangip assilisai Katuami saqqummersinneqassapput juunip 26-ani.

Tamatuma kingorna nalunaaqutaq 18-mit 19-mut Carsten Egevang Inersuaaqqami assilisani oqaluttuarissavai. Assilisat 28-t saqqummersinneqassapput, ukiuni kingullerni Ittoqqortoormiuni assilisimasani saqqummersissallugit. Maniitsumi assilineqarsimasut ukioq kingulleq novembarimi siullermeerlutik saqqummersinneqarput.

- Ittoqqortoormiini innuttaasut ilumoortumik suut tamarmik isuliffigisaanni inuupput. Illoqarfik Tunumi innuttakitsumi isorlerpaalluni inissisimavoq. Piffik qaninnerpaaq innuttalik kujammut 800 kilometerinik ungasissuseqarpoq, Ittoqqortoormiillu avannaatungaani nunarsuarmi nunat eqqissisimatitat annersaat ippoq. Avinngarusimasumi Ittoqqortoormiini innuttaasut sunut tamanut ilutigitillugu inuuinnarnissamut tunngavigineqartut suulluunniit tamarmik killissaanni inuupput. Avataaniit illoqarfiup inuussutissanik pilersorneqarnera qaqutigoortorujussuarmik pisarpoq, Ittoqqortoormiinilu qangaaniilli piniariaaseq Nunatsinni piffinnut allanut naleqqiullugu pingaaruteqarnerujussuuvoq, saqqummersitsinissaq oqaatigineqarpoq.

Saqqummersitsineq takutinneqassaaq aggustip pingajuat ilanngullugu.

Powered by Labrador CMS