Egede naalakkersuisoqatigiinnut: Naaperiarpatsigit

Naalakkersuisoqatigiit aamma IA-p akornanni isumaqatigiinngissutit amerlanertigut tigussaasarput. Partiilu Inuit Ataqatigiit ukiut pingasut kingulliit sinnerlugit illuatungiuliuttutut sunnerteqqasuuvoq.

Tamannalu suleqatigiinnissamut neriulluaateqanngitsutut aamma periarfissaqanngitsut isumaqanngilaq.

IA-p politikkikkut siulittaasuata tullia, taama nalunaaruteqarpoq.

Politikkikkut naapikkusuttut
- Erseqqissassavara Inuit Ataqatigiit Inatsisartut Naalakkersuisullu siunnersuutaannut isumaqataaffigisavut amerlammata, Aqqaluaq B. Egede oqarpoq.

- Naaperiaassutigisavut arlaqarput. Taamaammat oqaannartoqarsinnaanngilaq akerliuinnartuusugut. Isumaqataaffigisavut amerlanerupput akerleriissutaasuninngarnit.

Taamaattorli Egedep aamma Demokraatineersoq Michael Rosing qanittukkut Inatsisartut oqaluttarfiannit IA-mit isornartorsioqqunnginnera isornartorsiorpaa.

Egede isumaqarpoq, naalakkersuisoqatigiit nunap uranimut akerliusortai suli tununngaannarmatigit ajornartorsiutaasoq.

Oqartussaaqataannginneq
- Pissaanermik tigusineq nunap inuinik tusaasinnaajunnaaqqasutut, inuillu naalakkersuinermut akerliusut akeqqiullugit aqutsineq nunami maani tulluartuunngilaq.

- Neriuppunga Demokraatit qangatuut inuit isummersinnaanerannik nukittorsaajumasut, aammalu inuit ikinnerussuteqartut tusaaneqarnissaannik noqqaasaqisut pissaanermi oqorsisimaaginnalissanngitsut.

Atuaruk: Søren Espersen: Aningaasaqarnikkut ajalusoorneq tullinnguuppoq