Aleqap atornerluinera

Hans E. taasisitsinissamut piareerpoq: Pisoq akuerineqarsinnaanngilaq

Partii Naleqqap siulittaasuata, Hans Enoksenip, Aleqa Hammondip nunatta karsiata aningaasaataanit 106.363,27 koruuninik atorluisimanera ilungersunartut isigaa. Taamaammat Aleqa Hammondimut tatiginnikkunnaarluni taaseqataaniarpoq

Partii Naleqqap siulittaasua, Hans Enoksen

Aleqa Hammondip nunatta karsianit nammineq inuttut atugassaminik atornerluisimanera ilungersunarpoq.

Taama isumaqarpoq Partii Naleqqap siulittaasua, aamma Naalakkersuisut siulittaasorisimasaat, Hans Enoksen:

- Pisoq akuerineqarsinnaanngilaq. Ileqqorissaarnerunngilaq, Hans Enoksen oqarpoq.

Taamaammat Hans Enoksenip Aleqa Hammondi nunatta karsianit atornerluisimanera pillugu tatiginnikkunnaarluni taasisitsisoqalerpat tatiginninngikkunnaarluni taaseqataaniarpoq.

- Innuttaasut ulluinnarni atugai taama ilungersunartigisut akuerineqarsinnaanngilaq Naalakkersuisut siulittaasuata nunatta karsia nammineq inuttut atugassaminut atorsimammagu, Hans Enoksen Sermitsiaq.AG-mut oqarpoq.

Atuaruk: Tatiginninnginneq

- Ileqqorissaarnermut naapertuutiginngilluinnarpoq. Naalakkersuisut siulittaasoqarfiata pisoq unitsissimasussaangaluarpaa ingerlatiinnarnagu, Hans Enoksen Aleqa Hammondimut tatiginnikkunnaarsimasoq oqarpoq.

Aleqa Hammondip pisortat aningaasaataannik atornerluineranut allaaserisat allat uani atuakkit

Powered by Labrador CMS