dronningen fylder 75 år
Dronningip nerisassaatitsinnit mamarinerpaasaa
Ataqqinartorsuaq dronning Margrethe Sermitsiaq.AG-mik atuartartut apeqqutaanut akinissaminut periarfissaqarmat, akissutai uani atuakkit
Asasarput atuartartoq net-aviisit sumorujussuaq ingerlasinnaavoq; allaat kunngikkormiunut.
Aappariit 2011-imi aasaanerani angalanerini atuartartutit taakkununnga apeqqutissaqarnersutit Sermitsiami.AG-mi ussassaarivugut.
Kunngikkormiut Sermitsiaq.AG piffissaqarfigilaarmassuk apeqqutisi akissutaallu saqqummiuppagut.
Dronningillu inuuissiorneranut atatillugu taamani akissutigisaat uani atuaqqissinnaavatit.
Appaliarsuit mamarai
Nunni Mathiassen:
- Dronning Margrethe, kalaalimerngit tamaasa mamarivigit? Ingerlalluarlusilu immississut paariniarisi. Asavassi.
Henrik:
– Imaanngilaq tamaasa mamarigigut. Neqit aalisakkalluunniit mikiarsikkat soqutigivallaanngilagut.
Margrethe:
– Taamaappoq Tupaallaatigisannik appaliarsuit mikiarskkat Siorapalummi misilippakka. Mamaqaat, uimali soorlu soqutigivallaarnagit.
Henrik:
– Nerisassat nalinginnaanerusut nerisarpakka, ingasattajaakkat mamarinagit. Mattak allanik akuugaanngitsoq mamarineruara.
Margrethe:
– Aap. Uangattaaq mattak mamaraara.
Umiarsuarmik angalaneq puigunaatsoq
Tikkili Isaksen:
– Ataqqinartorsuaq. 1982-mi sikut peqqutigalugit ullut arlallit Narsarsuarmiipputit. Ullut arlaanni hofdametit marluk ilagalugit Tunulliarfimmi Qinngualiarpusi hotelip angallataanut ilaallusi. Illit qaqqami qalipaaniarputit isikkivia pinngortitarsuarlu tikillugit. Angallami inuttaallunga Narsarsualiarnitsinni kaffillerfigaassi.
Uternitsinni anorlilermat initaaniippusi. Angalaneq taanna eqqaamaviuk?
Margrethe:
– Ilaana eqqaamavara. Tamatumunnga peqqutaanerugunarpoq piffissaqarluarlunga kuunnguup sinaani qalipaagama. Nuanneqaaq.
Taarsiineq pissusissamisoortoq
- Jens Larsen apererusussimagaluarpoq dronningip erni Frederik qaqugu kunngitut ivertissaneraa namineq taarserluni.
Paasissutissiisartup apeqqut taanna apeqqutigeqqunngilaa. Dronngingip apeqqut taanana qatsutivippaa akereernikuugamiuk. Balleby oqarpoq dronningi pissusissamisoortumik taarsernearumaartoq. Tassa imaappoq dronningi qaqugu pinerpoq toquguni Roskilde Domkirkemi ilisaareerpat tamanna pissaaq.