inuussutissarsiorfiit
Dronningip Kinamiinnerani kalaallinik angalaqateqassaaq
Inuussutissarsiorfiit Kinamiinneranni atatillugu Dronningi kalaallillu peqataassapput
Royal Greenland aamma Visit Greenland inuussutissarsiutinik suliffeqarfiit Kinamiinneranni peqataassapput.
Royal Greenlandimi pisortaq Michael Thinghuus nalunaarpoq, tunisassiornermut pisortaq Kinamullu tunngasunik suliaqartoq angalanermi peqataassasut.
Visit Greenlandip misissuleruttorpaa qanoq Kinamit takornarissat amerlanerusut nunatsinnukarsinnaanersut.
Kina pingaaruteqartuusoq Visit Greenlandimi pisortaq Anders Stenbakken Sermitsiaq.AG-mut oqarpoq.
Inuussutissarsiornermut aatsitassarsiornermullu pisortaqarfimmit Jakob Rohmann Hard angalanermi peqataassaaq.
- Ukioq manna ilaanissatsinnut qaaqqusaavugut, oqarpoq.
Inatsisit qanoq isikkoqarpat?
Inuussutissarsiornermi suliffeqarfiit angalagaangata nunatsinni suliffeqarfiit siornatigut ilaaneq ajorput, kunngikkormiut angalanerni suliffeqarfiit saqqumilaarnissaat sulissutigisarlugu.
Naalakkersuisut siulittaasuata Aleqa Hammondip inatsisit takuniarlugit oqarpoq.
- Qaqagukkut Kalaallit Nunaat tamakkununnga angalanernut peqataasassanersut inatsisitigut misissussavara. Naalagaaffeqatigiittummi ikioqatigiittariaqarpugut nunani allani angalanerni qanoq annertutigisumik takutitassiisoqartassanersoq, Aleqa Hammond oqarpoq.
- Qaaqqusissummik nassissisoqarsimagaangat suliffeqarfiit angalanernut imaarttunut peqataasarput, apeqqutaaginnartarpoq suliffeqarfiit angalanissamut akissaqartarnersut. Naalakkersuisut pisortatigoortunik angalanernik peqataaneq ajorput, aatsaalli politikkikkut isumaqatigiittoqarsimagaangat peqataasarlutik, Naalakkersuisut siulittaasuat Aleqa Hammond oqarpoq.