Kunngikkormiunik ilisineq
Dronningi prins Henrillu immikkut iliveqarniartut
Prins Henriup kunngikkormiuni inissisimanini naammagisimaarsimanngilaa. Taamaammat dronningip saniani iliveqarusunngilaq.
Prins Henrik dronning Margrethelu pilersaarutigineqaraluartutut sanileriillutik iliveqassanngillat. Kunngikkormiut tusagassiutinut tamanna uppernarsarpaat.
- Kunngikkormiutut ataqqinassusilik prins Henrik Roskildep Oqaluffissaarsuani pilersaarutigineqaraluartutut ilisaanissani kissaatiginngikkaa, kunngeqarfiup ullumi saqqummiuppaa.
- Prinsip kunngikkormiutut ataqqinassusillip dronningip iliviata, professorip qiperusartullu, Bjørn Nørgaardip qiperugaata saniani iliverneqassanani aalajangiinermi ilaatippaa.
Dronninngi "isumaqataasoq"
Dronning Margrethe ”aalajangiinermut isumaqataasoq”, Kunngikkormiut ilanngullugu oqaatigaat.
Aappariit kunngikkormiut immikkut ilisaassasut kunngikkormiut attaveqaqatigiinnermut pisortaata, Lene Ballebyp BT-mut uppernarsarpaa. Prins Henrik kunngikkormiuni inissisimaffimminik iluarinninnginnera tamatumunga peqqutaavoq:
- Prinsip danskit kunngeqarfiani inissisimaffini taaguutinilu ukiorpassuarni iluarisimanngikkai isortuussaanngilaq. Iluarisimaarinninnginnera ukiuni kingullerni annertusiartuinnarsimavoq, taanna BT-mut oqarpoq.
Naturlig konsekvens
- Prinsip dronningip saniani ilisaarusunnginnerminut aalajangiinerani aapparmisulli naleqartitaanngitsutut, taaguutigerusutaminik atuuffigerusutaminillu tunineqannginnerata kinguneraa.
Prins Henriup aalajangernera danskit kunngikkormiut ileqqut malillugit sanileriisillugit iliveqartinneqartarneranut allannguisuussaaq.
Prins Henriup nunamini Frankrigimi angajoqqaami qatanngutimilu sanianni ilisaaniarluni aalajanissanersut, eqqarsaatigineqartarsimavoq, tamannalu kunngikkormiut ilumuunnginnerarpaat.
Prinsi Danmarkimi ilisaarusuppoq
- Prinsip Danmarkimi suli ilisaanissani kissaatigaa, kisianni qanorpiaq pisoqassanersoq suli aalajangersimanngitsoq, tusagassiuutinut nalunaarummi erserpoq.
Eqqumitsuliortoq Bjørn Nørgaard ukiuni arlalinni kunngikkormiut ukiuni 50-ni aappariinnerat pillugu qiperuisimangaluarpoq.
Taakku marluullutik Skt. Birgittes Kapelimi Roskildep Oqaluffissaarsuaniit ilineqartussaangaluarput.
Dronnginngiluunnit kisimiilluni ataaniissangaluarpat qiperungaq allanngortinneqassanngilaq.
Prins Henriup aalajangernera kunngikkormiut avinnialernerannik isumaqanngilaq, Lene Ballebyp BT-mut oqaatigaa.
/ritzau/