Skip to main content

DR2-mi 'Inuk' takutinneqassaaq

Filmi nersornaaserneqarsimasoq marlunngorpat marlunngorpat takutinneqassaaq

Filmi ‘Inuk’ siornatigut takusimanngikkaanni, maanna periarfissaqalerpoq. Takusimagaanni aamma takoqqinneqarsinnaalluni.

Tassami DR2-p filmi nersornaaserneqarasimasoq marlunngornermi juulip 24-anni nalunaaqutaq 21.00 takutinniarpaa.

Filmip arlalinnik akissarsitinneqarsimasup nukappiaraq Inuk Nuummioq sumiginnagaasoq pillugu oqaluttuarpoq, taanna Uummannami meeqqat angerlarsimaffianniippoq, piniartup Ikumap nukappiaraq ukiumut isorartuumut qimussertarnerminut ilaatippaa.

Filmip nersornaaserneqarnermi saniatigut pitsaasumik nalilerneqarpoq.

- Avannaanit assit kusanartut aamma peqqarniitsut, nunaqartut nunaqarfimmi pitsaasumik inuunerat alutornarpoq. Kisianni ungasissumut angalasartoq aamma filmimi manuskriptiliortut ilaat, le Jørgen Hammeken, Ikuma nannunniatut inuttaasoq alutornarneruvoq, Bo Tao Michaëlis, 2014-imi ‘Inuk’ Danmarkimi takuteqqaarneqarmat ilaatigut Ekkomi taama allappoq.

- Isiginnaartitsilluartoqarpoq, minnerunngitsumik filmiliaritittartutut ilinniarsimanngitsoq Gaba Petersen (Inuk) aamma Hammeken nammineq piniartutut Ikumatut inuttaasoq, Nanna Frank Rasmussen Jyllandspostenimi allappoq.

Meeqqat angerlarsimaffianni pisortaq Rebekka Jørgensenimit inuttaaffigineqarpoq, ataatarsiaasorlu Knud Therkelsenimi inuttaaffigineqarluni.

Filmi Mike Magidsonimit ilitsersuisuuffigineqarpoq, manuskripti Ole Jørgen Hammekenimi, Mike Magidsonimi kiisalu Jean-Michel Huctinimi allataavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER